今日收工你黎左車我, 跟住仲行萬寧又屈臣氏, 行左差唔多成個鐘!! 因為我想買藍莓素護眼....成日對住電腦對眼好唔精神又好累。不過我揀親呢D都要左睇右睇, 所以就揀左咁耐啦! 其實我仲想買埋COLLAGEN飲架....都係下次先!!

之後就去左附近果間日本餐廳食野。今次你叫果個冷麵又真係幾好食, 仲有個薄餅真係好正!! 海膽壽司更加唔駛講啦! 因為我地主打係一定要食呢樣!

嘩～終於可以開始寫第五日既行程啦！唔係懶．．．而係真係好多其他野做呀！因為趕時間！！

<< DAY 5>>
2008-04-28
伊豆下田～熱海～池袋

今日我地又返左大陸啦! 呢排都返得好密! 全因有你!! 我先可以做到好多自己想做既野! 真係好多謝你呀!

我都知你辛苦...真架....所以就更加要多謝你囉! ^_^

好耐冇黎呢度寫BLOG啦! 因為實在太太太忙了!
前幾日睇報紙, 某報既旅遊報導講意大利既OUTLET, 好吸引我呀!
雖然去咁多次旅行都未去過OUTLET, 但係唔知點解覺得意大利個OUTLET好悠閒 (其實我諗好多OUTLET都係咁?) 個環境好似都好靚咁, 所以好想去呀!
我同B講, 我地要衝出亞洲!! 唔可以淨係去日本啦~ 好開心佢都認同之餘仲真係叫我去PLAN!
其實我仲有好多地方想去架! 好似多年前已經好想去既希臘, 仲有打算HOENYMOON去既馬爾代夫, 同埋日本熱點北海道都未去過! 當然相信好多女仔夢寐以求既歐洲我都好想去啦! 但係我成日都講, 錢太少, 想去既地方太多, 就要作出取捨....
歐洲對我黎講實在太有新鮮感啦! 所以我一定要好努力咁PLAN呀!!

原本尋日放假想出旺角搵表弟拎碟, 不過最後因為食左藥好眼訓, 而佢又冇打黎, 所以就冇出啦~ 變左今日收工先出。

仲買埋DREAMWEAVER既教學書添! 好貴呀! 原價係$140, 8折都要$114呢~ 不過實用既書我又覺得值得既~ 所以都冇乜所謂啦! 但係我就真係要俾多D心機去學啦! 加油呀! (對自己講的)

今個五月已經睇左四次醫生!

第一次係旅行返黎後, 睇左封令我好驚既e-mail後令我即時去睇既政府醫生。冇用! 係止到痕, 但係個傷口好似愈來愈大範圍。

之後就係感冒去睇私家醫生, 可能我唔聽話成日唔食藥, 所以反而之後仲暈過之前, 而且仲好想嘔! 辛苦~

跟住就係睇一個女西醫, 因為濕疹果度情況愈來愈惡劣!! 政府醫生又幫唔到手, (佢叫我去睇私家! 話唔駛排期等咁耐) 於是咪自己去睇私家囉! 呢個女醫生話應該都係濕疹黎既, 不過叫我食左藥睇下有冇好d先, 如果食一兩次都唔好既話就將XX藥由每次食一粒改為食兩粒。佢尋晚仲打電話俾我!! 問我情況如何, 我話一樣, 冇好過, 佢就叫我改食兩粒, 食哂之後再返去睇佢。

到今日, 我已經兩次都改為食兩粒藥, 但係情況好似仲差左! 仲不停滲水, 一樣咁痕又痛痛地咁, 我都係忍唔住啦! 我一定要去我一直睇開果個醫生度睇! 因為想當年我睇好多醫生都醫唔好D濕疹, 唯獨是睇呢個醫生先好返! 所以, 尷尬都要俾佢睇.....我真係想好返囉!

醫生話我好大機會只係濕疹, 咁都好D.....

放假, 全日都冇出過街!

係屋企攪左成日, 搬黎搬去, 仲身水身汗...因為拎左部新電腦返黎, 要搬過D位安置佢, 又要SET UP好多野。我動作又慢, 做下呢樣又做下第二樣咁, 咁就過左一日啦! 不過都仲未完全攪掂! 因為唔知點解電腦仲係冇聲~

終於收到領取書, 係我同I-CABLE簽左合約送既禮品。

開工去左睇醫生, 因為真係好驚....

<< DAY 4>>
2008-04-27
－伊豆－
伊豆高原～伊東

<< DAY 4 >>
2008-04-27
－伊豆－
伊東～伊豆高原

<< DAY 3 >>
2008-04-26
－伊豆－
伊東～城崎海岸及吊橋